أم الدنـــــــــيــــــــــا ------------------ (_-è(-è'-è"(-('(é''"é&')=--è-

يا مصر يا أم الدنيا **** واش نقول واش نتكلم
بهدلتيني طيحتي بيا **** ضحكتي عليا ڤاع العالم
نفضل نعيش بلا والديا**** نبقى وحيد أو نتيتم
ولا تكوني يما نتيا**** لأنك نتيا أسوء أم
يا مصر يا أم الدنيا **** ما شفنا منك غير الهم
دخلتي ما بين الذرية**** وفرقتيهم على بعضاهم
شتتي الأمة العربية**** ومنهار الي نتي حكمتيهم
وهوما بلية مور بلية**** بهدلتيهم بين الأمم
فسدتيلهم العقلية**** وكسرتي عليهم الحرم
أو دخّلتي الصهيونية**** في وسطهم سكنتيهم
يا مصر يا أم الدنيا**** الدنيا لو جات تتكلم
لا قالتلك بعدي عليا**** عدت نستحي بيك أو نحشم
والقضية الفلسطينية**** قاعدتلك فجبينك وشم
فلسطين العربية **** الي بعتيها بشويا دراهم
وناس غزة الأبريا**** الي زدتيلهم التهم
بنيتي عزلة فولاذية**** بالجدار وحاصرتيهم
وهوما مساكن زواليا**** فقراء همهم يكفيهم
محرومون مالتغذية**** المخدرات منين اتجيهم ؟
يا مصر يا أم الدنيا**** خسارة فيك هاذ الآسم
والحضارة الحقانية**** فالعراق راي تتهدم
واليمن هي العربية**** والعروبة جات ملتم
والقبيلة الحقانية**** يسموها قبيلة جرهم
والعقيدة الإسلامية**** صلى الله عليه وسلم
مالعربية السعودية**** وبدى الرسالة ملتم
والجزاير هي الأبية**** شعبها عمرو ما يستسلم
علمتكم الحرية**** وعلمتكم ترفعوا الظلم
ولادها دفعتهم فَدية**** وأول من عقدت العزم
أثناء الثورة التحريرية**** وكتبت تاريخها بالدم
باش اتجي تمحيه نتيا**** بالهدرة أو بالفم
صعيب عليك يا مصرية**** ويا لوكان حتى تتلم
الفراعنة اللولانية**** وتتعاون مع هاذ القوم
محال تبدّلوا حاجة فيا**** أمازيغي عربي مسلم
ونبقى نساند فالقضية**** العادلة فكل العالم
وذيك القوة الأمريكية**** والصهيونية يدّزوا معاهم
حنايا ماشي كيما نتيا**** ما نبيعوش روحنا بدراهم
خاطر أمنا الحقيقية**** وسمها الجزاير أشرف أم
[/b]

» مجيد بوغرة : " لا يهمنا من سنواجه في ربع النهائي "
» "توتير" محقق الهوية