نــــــــكار الخـــــــــــير.... الخــــــــــضرة..... لفيصل كرشوش قصة و قصيد

مليح لمّا الـــواحـــد يغير**** على جـــــال بلادو ويحبها
ويحب يشـــوفها ديما بخير**** وفالمكــــــانة الي تناسبها
لما تربح ما لفرحة يطير**** يحتفــــل والدنيــــا يقلبها
ويدير كـــــامل واش يدير**** يرفد علامها ويلبس ثوبها
كـــان كبيــــر ولا صغير**** مفتـــــاخر بيـــها وبلعبـها
رافع راسو قــــــدام الغير**** ويقول أنا واحد من شعبها
لكن أنو فــي وقت قصير**** تلعـب مــــع فــريق يغلبها
وتخسر كيفها كيف الغير**** ولو أنـــها لعبت من قلبها
ذاك لبنادم فوقت قصيـر**** ينحّـــي البـــــذلة ويقلّبها
ويـــوّلي يقولك تمسخير**** ولا يلحــــــــق حتى يسبها
ولاّ يصبح لاعـب كبير**** أو ينتــــقـد فيــها وفلعبــها
ولا يحسب روحو خبير**** أو لعيــــوب كامل يصيبها
هاذ لبنــــادم نقولـو دير**** فبـــالك بلي الخضرا شعبها
رابحة خاسرة مهما يصير**** يبقى ديـــــما واقف جنبــها
وأنت راك تديـر فالسـمير**** تبيّن فـروحـــك أو تلعبـها
غير فــدقيقة نكرت الخير**** وشفّيـت فيها الي ما يحبها
شفيت النـــاس الــي تغير**** وهاذ الشي يجيهاعلى قلبها
نهار خسرنا فرحوا كثير**** وكيما العـــادة بانوا عيوبها
كيما الغندور والشــوبير**** وأديب عمرو مـــا أدبها
بداو يقولوا حاجات تحير**** الناس تحشم تقولها فــقلبها
وبراهيم الحجازي كبير**** فالعمر بصح خــــــــاربها
ليل ونهار يهدر ويديـــر**** وكل حدوثة منين يجيـــبها
ومدحت شلـــبي الشرير**** يشري الموت لو يصيــبها
قاللهم .. مرضي خطير**** شوفولي حـــــاجة نشربها
ماهي أنفلونزا لخنازير**** ماهي الطيور وعلى حسابها
قالت آخر التقــــــــارير**** التأشيـــرة الّـــــي ما كسبها
وكيما هـــو كاين كثير **** فدكاكيـن الفتنة وأصحـابها
الي ما يحبـولناش الخير**** مزيـــا برك ربــي خــيبها
ومزيا حنايا قلبــنا كبير**** وما حبيناش ندخلوا فلعبها
والناس الي عندها ضمير **** عمرها ترد عليّ يسبّــــها
أو فريــقـنـــــا ربح كثير**** وتكفي النتــــائج الي جابها
فريق تكوّن فوقت قصير **** خرج مصـر من أعصابها
ونشــاء لله مـــزال الخير**** ومنا للفــوق وين يصيبـها
رايحة تكونلو بوابـة خير**** أو يتأهل على حســـابها
عليــــها نقول فـــالأخير**** الي يشكك فلخضرا ولعبها
يتسمى نكّـــــار الخيـــر**** ومستحيـــل يكـــون يحبها

» لغـــــــــــــــــــــــــدر (لحصة قصة و قصيد لفيصل و رشيد)
» يـــــــــــــــــــــــــــــــــما (الأم) (مقدم حصة قصة و قصيد لفيصل و رشيد)